Euskadiko Arraun Federazioak, Bizkaiko Arraun Federazioaren laguntzarekin, I. mailako Arraun Entrenatzailearen ikastaro ofizialak deitzen ditu, kirol-prestakuntzako jardueren esparruan.
Prestakuntza osoa gaindituz gero, hau da, bloke komuneko eta bloke espezifikoko modulu eta prestakuntza-arlo guztiak gaindituz gero, eta praktikaldiari dagokionez, egindako kirol-modalitate edo -diziplinan I. mailako kirol-entrenatzailearen egiaztagiria lortuko litzateke.
Diploma horren bidez, gaitasun hauek egiaztatuko dira:
- Kirol-hastapenaren dinamizazioa, instrukzioa eta zehaztapena.
- Kirolariak antolatzea, laguntzea eta babestea maila horretako jardueretan, lehiaketetan eta ekitaldietan parte hartzen duten bitartean.
Ikastaro bat emango da gaztelaniaz CAED Kirol-teknikarien Eskolan ASFEDEBI KIIB. Matrikula egiteko epea irailaren 20tik urriaren 4ra bitartekoa izango da. 25 plaza eskaintzen dira.
Edozein kontsulta egiteko, jo CAED Kirol-teknikarien Eskolako Idazkaritzara (ASFEDEBI KIIB). Ordutegia honako hau da: astelehenetik ostegunera 9: 30etik 19: 00etara, eta ostiraletan 9: 30etik 15: 30era. Helbide elektronikoa: kiteb@asfedebi.eus